Utilisateur:Fellag insaf/Brouillon
الفشل تاع العضلات الدوشيني
modifierفشل العضلات الدوشيني
modifierهو مرض بالوراثة يقبض كامل انواع العضلات وين يكونو العضلات في الجسم ضعيفة و يبدا من عضلات الحوض و بالخف يقبض كامل العضلات الباقيين و مبعد يولي البنادم معوق حركيا و فالتالي يموت في نص العمر و ما بين 3500 مزيود نصيبو واحد مريض و ماقبضش البنات بزاف.
سبة المرض
modifierمكاش سبة معروفة للمرض بصح يقولو على حساب الوراثة لوحد المادة بروتينية في جسم الإنسان و هي الديستروفين اللي تفوت بالكروموسوم الجنسي على هذا البنات ما يمرضوش بيه بزاف و كاين وين ما تكونش بالوراثة و ما يكون حتى واحد من الفاميلا مريض بيه من قبل و ولادو ما راحش يمرضو بيه يعني هو جات فيه الطفرة.
أعراض المرض
modifierمن نهار يزيد البيبي و يديرولو الفحوصات تبان العلامات تاع المرض بصح ما بين عامين و ثلاثة تبان العلامات الاولة.الذكاء تاع الطفل المريض و العادي كيفكيف و قادر يكون المريض أذكى من العادي.
الضعف
modifierيقبض في لكتاف و الفخاذتين و مبعد يروح للذراعتين و الرجلين و الطراف التحاتا قبل الفواقا. الطفل لي يكون مريض بيه ما يقدرش يمشي و ينقز ولا يطلع الدروج و كي يبغي ينوض من القعاد يركز على يديه باه يرمي روحو للقدام. الطفل المريض تكون مشيته متمايلة و منحني الضهر للور و كرعيه يكونو متنفخين و يكون ينضر منهم في البداية. مع 12 سنة يولي بالكروسة.
فشل عضلة القلب
modifierتبدا عضلة القلب تفشل كي يولي الطفل ما بين 14_18 سنة و مبعد تزيد بزاف بعد 18 سنة و هذا سبتو الانسجة تاع القلب تبدا تخسر و يبدا من الجهة اليسرا و ما يكونش عندها اعراض حتى يتطور المرض بزاف باه تبان؛و علاجال انو المريض ما يديرش تمرينات و الحركات اللي ينقصولو شوية من العيا.قليل وين يكون الفشل تاع القلب هو سبة الموت بلا ما يكون عندو مشاكل في التنفس، و هذا الفشل يقدرو يسيطرو عليه بالدوا. ==
![](http://upload.wikimedia.org/wikipedia/commons/thumb/9/99/%D8%AA%D9%88%D8%B6%D9%8A%D8%AD_%D9%84%D8%B7%D9%81%D9%84_%D9%85%D8%B1%D9%8A%D8%B6_%D8%A8%D8%A7%D9%84%D9%81%D8%B4%D9%84_%D8%AA%D8%A7%D8%B9_%D8%A7%D9%84%D8%B9%D8%B6%D9%84%D8%A7%D8%AA_%D8%A7%D9%84%D8%AF%D9%88%D8%B4%D9%8A%D9%86%D9%8A_%D8%B9%D8%A7%D9%85_1881.jpg/220px-%D8%AA%D9%88%D8%B6%D9%8A%D8%AD_%D9%84%D8%B7%D9%81%D9%84_%D9%85%D8%B1%D9%8A%D8%B6_%D8%A8%D8%A7%D9%84%D9%81%D8%B4%D9%84_%D8%AA%D8%A7%D8%B9_%D8%A7%D9%84%D8%B9%D8%B6%D9%84%D8%A7%D8%AA_%D8%A7%D9%84%D8%AF%D9%88%D8%B4%D9%8A%D9%86%D9%8A_%D8%B9%D8%A7%D9%85_1881.jpg)
المشاكل تاع العظم== القرض تاع اليدين و الكرعين قادرين يكونو بزاف علاجال الطيحات كي يكون المريض يمشي بلا كا يعاونو حتى واحد.العمود الفقري المنحني نصيبوه بزاف عند الطفل المريض و هو لي ما يخليهش يتنفس مليح و قادر مع الوقت المريض ما يقدرش يتنفس كامل.