Utilisateur:Yacine ozan/Brouillon1
إزمير
ازمير | |
![]() | |
الايدارة | |
البلاد : ![]() | |
حكومه : [[|Wp/arq/تركيا|لّحكومه تاع لّجمهوريه تركية]] | |
بلديه : ازمير | |
لّكود پوستال : 35000–35999 | |
نيميرو تلفون عالميا: +(90) 232 | |
لعمدة : عزيز كوجا أوغلو | |
سكان | |
السّكان : 4168415 | |
كثافة تاعها : 235 سكان/كم² | |
الجوغرافييا | |
مساحة تاعها :235 ساكن بالكم² | |
خط طّول (لوجيتيود) : 27.1383800 | |
خط لّعرض (لاتيتيود) : 38.4127300 | |
(ألتيتيود) لعلا على لّبحر : 122 م[1] | |
لمواقع | |
![]() | |
السيت تاعها : http://www.izmir.bel.tr |
إزمير[2] مدينة في [[|Wp/arq/تركيا|تركيا]] جاية غرب الأناضول , وهي لاطروازيام فــــيل في [[|Wp/arq/تركيا|تركيا]] من حيث السّكان مور [[|Wp/arq/اسطمبول|اسطمبول]] و[[|Wp/arq/انقرة|انقرة]]، فيها أكبر پــور لي هو الأوّل فالتّصدير مورا [[|Wp/arq/اسطمبول|إسطنبول]] والسّونطر تاع بيع لي پــرودوي الإيجية لي فيها بزاف الفلاحة, وديستريبيتور تاع لي پـــرودوي المصنعة، ويديروا فيها أكبر مانيفيسطاسيون تاع الكومارس، وهذي [[|Wp/arq/ازمير|إزمير]] هي دوزيام فــــيل آنديستريال ف التّرك، جاية في بحر ايجة[3] قريب لخليج امير . السّكان فيها راهم في تزايد كبير لحقوا حتى ل 2 ملاير و 847 ألف بنادم، وفيها بزاف لي كارطي الشّابين تاع توريست باسكو فيها بزاف بلايص تاع ثقافة و الضحك كيما لي ميزي و لي پلاج ولي پـــارك.
تاريخ
modifierالأصول
modifierإزمير هو الشّكل التّركي تاع ذروك من إسم سميرن. وهي ڥيل معروفة من القرون الوسطى (كيما إزنيق). الشّكل تاع سميرن كان مفضّل من بزاف وقت في الفرونسي حتى للإسم تاع ذروك لي هو إزمير[4]. الي تفرض فالقرن 20. سميرن تأسست في 300 قبل الميلاد أسوها ليليج على موقع تاع تيبيكول. حدا بيراكلي. إسمها جاي من ملكة الأمازون بين 2000 و 1200 قبل الميلاد. خرجن من [[|المملكةالحيثية|المملكة الحيثية]] ومبعد ماتهدمت الدّولة الحيثية فاص للهجوم تاع الفريڨانيين. استعمروها الأوليان لي هاجروا من اليونان [[|الأناضول|للأناضول]] في القرن 11 قبل الميلاد ومبعد زادوا الآيونيين.
من إستقلال حتى للإحتلال تاع الرّوم
modifierسميرن الأولى عاشت الذروة تاعها في الپيريود تاع إيونيون. غزاوها ف عام 600 قبل الميلاد من طرف الملك ليدي ألياتس الزّاوج[5][6] ومبعد الفرس في 546 قبل الميلاد. المدينة حطموها ومابقاتش تلعب حتى دور مهما كان مهم في الپيريود الكلاسيكية (القرن 5 و 4 قبل الميلاد) بالنّسبة للأسطورة أليكسندر الكبير لي قرّر باه يعاود هذيك المدينة المحطمة. بصح من المرجح أن الخلفاء تاوعو كيما أنتيجون لوبورني ومبعد ليزيماك لي عاودوا بناو لاسيتي في القرن 4 قبل الميلاد.مورا الموت تاع أليكسندر في 302 قبل الميلاد. فاتت تحت السّيطرة تاع ليزيماك الجينيرال القديم أليكسندر الكبير. بعد الإنتصار على أنتيجون لوبورني ومبعد تحت الحكم تاع السّلوقيين لپيبريود صغيرة كما المملكة تاع برغامس ( نهاية القرن 3 قبل الميلاد وبداية القرن 2 قبل الميلاد) حاولوا السّلوقيين باه يسيطروا على أونيا باه يطيحوا سميرن.
السّموريين قاتلوا مع الأتاليديين مع بعض بيرغام و روما. في 188. 189 قبل الميلاد خَرْجوا السّلوقيين من إيونيا و [[|آسياالصغيرة|آسيا الصغيرة]] . صابت سميرن بلايص باه يديروا الحرب مع روما جنباً لجنب. الإلتزام تاعها سمح لها باه تستفاد من [[|Wp/arq/الستقلال|الإستقلال]] لي تحميه الروم. استقبلت إزمير بزاف ناس سياسين من [[|Wp/arq/روما|روما]] ف المنفى.
من 89 ل 85 قبل الميلاد كانت سميرن كيما ڨاع ليڥيل تاع آسيا الصّغيرة. و الدّعم تاع ملك الجسر ( مثيرادات السّادس أوپور) فـ الحرب تاعو مع [[|Wp/arq/روما|روما]]. سيلا جينيرال روماني، تعهّد باه يغزو آسيا الصّغيرة. أدّا سميرن و ڨال للسّكان تاعها لازم تديروا مسيرة عريانين في نص الشّتا في سلام تاع داردانوس (85 قبل الميلاد) اللّي تكمل الحرب تاع روما و ميتيرادات السّادس. سميرن كيما كامل ليڥيل الحُرّين تاع [[|Wp/arq/اسيا|آسيا]] و بحر إيجة[3] ومبعد دخلت مقاطعة رومانية في [[|Wp/arq/اسيا|آسيا]][7].
سميرن جزء من سبع (7) كنيسات[8] تاع آسيا[7] لي ذكروها في نهاية العالم تاع القديس يوحنا، وفقاً لـ تيرتليان. دارو الپلاڥو تاع سميرن اللّولين : پوليكارب[9]، الپاساج فـي المخاصمة في لاكور يدّل للمسيحيين لي فـ الحبس و يوحنا يطمنهم على الشّجاعة تاعهم فـي مواجهة الإضطهاد تاع دوميتيان.
مـ القرن الثالث قبل الميلاد. سميرن عطات واحدا لإنطباع على مدينة مزدهرة متقدمة فـ الكوتي الفني هي أصلاً معروفة بـ الڨروتسكيس تاعها. الڨراڥيك هي واحد التّماثيل جاية مـ الطّين لي سپيسيال مبالغ في العيب تاع الكور قليل ما ترتبط بهذا المرض. و على حساب الشّوفة هي العروض ما كانش برك بيت (هدف) تاع فن ولا ضحك. كانت سميرن ليكول تاع طبّة معروفة من قبل وين بقى الطّبيب المشهور جالينوس . مـ المحتمل واحد من التّماثيل تاوعوا خدموا بيها باه يبينوا واحد لي مالادي. كاين مجموعة من هاذ الصّوالح فـ المتحف تاع اللّوفر.
كيما نعرفوا لاڥيل تاع الرّومان هي لازون تاع أڨورا برك. فضلا على لوندروا تاع المسرح لي راه تغطيه ذروك ديور.
لاڥيل هي البلاد تاع الخطّاب المشهور أيليوس أريستد، اللّي عاش فـ القرن الزّاوج وخلى الخدمة تاع الأدب المهمّة.
سميرن تاع عصور وسطى
modifier![](http://upload.wikimedia.org/wikipedia/commons/thumb/f/fb/Izmir005.jpg/220px-Izmir005.jpg)
سميرن شافت ولادة وحدة من الكنيسات سبعة[8] لي أصلهم مسيحي، رجعت مقاطعة بيزنطية مور ما تقسمت الإمبراطورية تاع [[|Wp/arq/روما|الرّومان]]. احتلها الملك هونز أتيلا في 440 ومبعد العرب في 695 قبل مايرجعوا للبيزنط. ف 1081 غزاوها التّراكة السّلاجقيين قبل ما يستفادوا البيزنطيين م كبر الصّليبيين فالأناضول. ف 1097 ما رجعوش لارض لي غزاوها التّراكة لي حدا بحر إيجة[3] . ف 1222دمروه التّراكة وعاود بناه جان دوكاس لي بنى كاديفيال.
فالعام تاع 1320 [[|محمدبالي|محمد بالي]] و أمير ، فْقَد وليدو لي يسموه عمور باي ف قلعة الپور ( ليمان كالسي) للفرسان تاع رودس في 28 أكتوبر 1334. حتى لعام 1402 التّراكو والصّليبيون مزالزا محافظين على المواقف تاعهم، الصّليبين ف قلعة الپور والتّراكو ف تاع كاديفيال حتى لوين دمروا التّيمورلان قلعة الپور في ديسمبر 1402.
سميرن عثمانية
modifierزادت الأهمية الإقتصادية والثّقافية تاع سميرن بشوي في 500 سنة كي كانت جزء م الإمبراطورية العثمانية في 1426 وألي كانت مرّفهة بزاف. سميرن زاد فيها [[|ساباتاي|ساباتاي تسيڥي]][10] ( 1626-1676).
-
طريطوار تاع كوانك
-
برج الساعة (1901)
-
لاسونسور (1907)
لي ڨالهم أنا المسيح ولي كان سبب تاع أزمة كبيرة بزاف للنّاس اليهوديين ف الإمبراطورية العثمانية. هذي لاڥيل هي وحدة من أهم سلال بلاد الشّام. بحدا المجتمعات تاع اليهودية اليونانية والأرمانية. فالقرن 19 سميرن سماوها "پاريس الصّغيرة ". الپور الجديد (1870) ألي بناتو شركة دسودو زوج خطوطة تاع سكة حديدية اللّوالة ( سميرن قصابا - سميرن إيديس 1856)، وتفاهموا باه يبنوا المشروع الجديد للمدينة في هذا الوقت.
حرق سميرن
modifierنسبوها لليونان مور الحرب العالمية اللّولة[11] المعاهدة تاع سيفر. بسبة النّاس القاويين تاع هيلينوڥين لي سكنوا فيها. واستعمرتها من قبل فان اليونان من 15 ماي 1919م. ليومنا هذا يموت في سميرن بزاف ناس يلحڨوا حتى ل 2 ملاين[12] و لي زونڥيروا تاوعها. مور ما طاح الجيش تاعها في صيف تاع 1922 لاڥيل هذي داوها الأتاتورك في 9 سبتمبر 1922 في لافان تاع الإستقلال.
![](http://upload.wikimedia.org/wikipedia/commons/thumb/d/de/Great_Fire_of_Smyrna.jpg/220px-Great_Fire_of_Smyrna.jpg)
في السّمانات التّاليين تاع الحرب. هربوا الإغريق الثمانيون [[|سميرن|لسميرن]] أون ڨروپ. فايت 20000 ف اليوم. كاين كثر من 200000 في 8 سبتمبر كي راحوا القوات تاع اليونان من لاڥيل. كل ما بقالهم غير الپور لي فيه الباطوات تاع [[|Wp/arq/ فرانسا|فرناسا]] و لانڨليز و [[|Wp/arq/طاليان|الطاليان]] و الماريكان. في 13 سبتمبر شعلت النّار في واحد الكارطي لي يسموه الأرمبي وشعلت بلخف في كامل لاڥيل وين ما قدروش عليها. في سمانة برك دمّرت قريب كامل لاڥيل وفيما كثر من 200 ميت[12][13].
هذي الكاريثة تخاصموا عليها بزاف اليونانيين والأرمانيين يڨولوا بلي السّراقين تاع التّرك هوما السّباب، وين التّراكة ڨالوا بلي اليونانيين مع سياسة لارض المحروڨة منعوهم باه ما يدولهمش حقهم التّراكة. مي ف الصّح هذا الفعل رانا نشوفوه في إيونيا اليوم. وكاين لجنة م [[|Wp/arq/ فرانسا|فرانسا]] تعاود هذا التّفسير. بصح في 13 سبتمبرالقوات تاع [[|Wp/arq/تركيا|التّرك]] عسّوا هذاك الكارطي تاع أرميني وناس تاعوا ما يقدروا يديروا حتى حاجة كيما يبغوا. هورتون أكّد على هذي النّقطة بزاف وهو كان شاهد ويتّهم [[|العسكرالتّركي|العسكر التّركي]] بلي هو لي دمّر سميرن في خدمتو لي پيبلياوها في 1926 " آفة [[|Wp/arq/اسيا|آسيا]]". ف 1922 داروا دراسات لتاريخ تاع سميرن وتأكدوا من الشّهادات بلي السّيد هوسبيان دوركين هو لي دمّر لاڥيل. رجع الأسطول اليوناني لسميرن في 24 سبتمبر حتى ل 1 أكتوبر خرج ب 180000 لاجئ. باه يبدلوا السّكان المسلمين ولمسيحيين بين تركيا و واليونان ف العام الجديد.
معاودة لبنيان تاع ازمير
modifierمور المعاهدة تاع لوزان. خلاو سميرن [[|Wp/arq/تركيا|للتّرك]] كيماكانوا تاع الأناضول . وين حل السّيد مصطفى كمال[12] حانوت تاع السّلطة مع الجمهورية والسّكان لي ماشي مـ [[|Wp/arq/تركيا|التّرك]] يخرجوهم من لاڥيل سيرتو تاع اليونان هذا كامل الريزيلطا تاع التّبادل لي داروه مع اليونان و [[|Wp/arq/تركيا|تركيا]]. لاڥيل سيرتو الكارطيات لي فيهم التّراكة و اليهودين نجاو مـ النّار. ومع الوقت رايحين يعاودوا يبنوها. هذا كامل لواحد المخطط تاع مخطط لاڥيل ريني الدّونجي[14]. كل عام سيرتو في السّمانة اللّولة تاع سبتمبر يديروا المعرض الدّولي لي بناوه في 1936. الجاردان الكبيرة ف السّونطر ڥيل (كولتربارك).
![](http://upload.wikimedia.org/wikipedia/commons/thumb/1/12/Izmir_Turkey.jpg/220px-Izmir_Turkey.jpg)
مور الحرب العالمية الزاوجة إزمير عرفت انفجار كبير للسّكان وهذا كامل بسباب الهجرة للجيهة الشّرقية. الپروجي تاع التّمديد (الزّيادة) لوكورپوزيي ألي ڨالت عليه البلدية فـ 1939 ومبعد ف عام 1984 ما تحققش. ومع هذا لاڥيل عندا واحد الكوتي جديد بزاف باه تنقص مـ لي كارطي تاع الپور ( الكارطي القديم تاع الفرنك) والمنحدرات تاع قعلة كاديفيال.
إزمير خَلات التّقالد تاوعها من لاڥيل المحلولة مـ الغرب.
مازال في إزمير آثار و واحد الرّوابط يدلوا على وجود جماعة فرونكوفونية. فالـ 1929 زاد الوزير القديم الفرنسي لي يسموه إدوارد بالادور. اللّيسي تاع سانت جوزيف. لي بناوه الخاوة تاع ليكولات المسيجيين فـ 1880 مازال يخدم وراه مستفاد من الإسم تاع لابال فرانك إيديكاسيون.
-
كارسياكا تاع إزمير
-
ألزاسناك
إدارة
modifierالثقافة
modifierإزْمير عندها بزاف جامعات، لي قدم فيها بزاف هوما جامعة تاع إيجة[16] وجامعة تاع 9 سبتمبر، وراهم غير كيما فتحوا جامعات پريفي كيما جامعة الاقتصاد في بالتشوفا [17] وجامعة الدروا في بورنوفا.
وكل عام يديروا الڥــــاستيفال تاع الغنا، في بلايص تاريخية كيما التّـــيياتر تاع أفسس.
في أفريل وفل پارك تاع الثقافة يديرو أحداث بزاف كيما المعرض تاع الكتاب و المعرض الدولي.
هذي لاكومين تاع إزمير حلوها في 2008، وداروها مركز الثقافة على أكبر ملحن معروف ف التّرك لي هو [[|عدنان سايجون|عدنان سايجون]] [18].
![](http://upload.wikimedia.org/wikipedia/commons/thumb/5/53/N_Duzen_Izmir_Etnografya_Muzesi.jpg/220px-N_Duzen_Izmir_Etnografya_Muzesi.jpg)
جغرافيا و إقتصاد
modifierالدّيموغرافيا
modifierمكلاسية الطّروازيام فـــيل ف التّرك من حيث السّكان لي فيها مورا [[|Wp/arq/اسطمبول|اسطمبول]] و[[|Wp/arq/انقرة|انقرة]].
في 2010 لحق عدد السّكان فيها 2774103 نسمة[19].
في 2014 لحق عدد السّكان فيها 22847700 نسمة[20].
في 2018 رايح يفوت 300000000 نسمة.
جو
modifierإزمير عندها كْليماَ تاع [[|Wp/arq/البحر الابيض المتوسط|البحر الابيض المتوسط]][21]، باسكو فيها الصّيف سخون وجاف وزيد الدّيڤري فيها ماتفوتش 32° ( الموايان تاع الدّيڤري هو 27°)، الشّتا فيها دافي، الدّيقري فيها 6° ديڨري.
بين أفريل وأكتوبر تنقص فيها النّو (الأمطار) مي كاكابل تطيح فيها بزاف وغزيرة وين قادرة تدير الفياضانات.
في الشّتا ما يطيحش الثّلج بزاف ورقيق ما يڨعدش بزاف، أو كونطرار يطيح البَرَدْ والثّلج الخفيف راتب وعلى العام، تهبط درجة الحرارة خطرات ل تحت الزّيرو، يكون فيها الجليد خفيف وبلخف يروح.
إقتصاد
modifierالپور[22] هو أهم شيء فيها في بحر إيجة[3].
-
خريطة بحر إيجة
الپــور تاع إزمير يلعب دور كبير بزاف باسكو يعرف حركة تاع كومارس أكتيف و واسعة، مي الصناعة راهي عرفت تطوّر واسع في العشرين سنة التّالية وهذا كامل على جال صناعة النّسيج، و الدّخان والمواد تاع الماكلة و لي پرودوي شيميك والورق، و تصدّر ثان مواد كيما القطن، الدّخان، الحرّة، الزّبيب، الزيت و زيت الزيتون.
نقل
modifier![](http://upload.wikimedia.org/wikipedia/commons/thumb/7/7f/Izmir_Airport_Karakas-1.jpg/220px-Izmir_Airport_Karakas-1.jpg)
- المطار تاع عدنان موندريس الدّولي[24] جاي بعيد على إزمير بـ 18 كم. جاي فـالجنوب تاعها.
التوأمة
modifier- [[|Wp/arq/اذربيجان|أذربيجان]] باكو (أذربيجان)[25]
- كازابلانكا [[|Wp/ary/المغرب|المروك]] م 2002
- نابولي [[|Wp/arq/طاليان|الطاليان]]
- أودنس دانمارك
- سوسة [[|Wp/arq/ توونس|تونس]] م 2006
- تل أبيب إسرائيل
مطرانية
modifierأبرشة تاع إزمير هي دايرة تاع واحد [[|الكنيسة الكاثوليك|الكنيسة تاع الكاثوليك]] جاية [[|Wp/arq/تركيا|فالتّرك]] وجاية في الجنوب الغربي تاع البلاد[26].
مشاهير
modifier- هوميروس[27] شاعر فـ التّالي تاع القرن 8 قبل الميلاد.
- پوليكاريوس تاع سميرن كان طفل يقرا عند القديس يوحنا ( 69-155).
- إيرينيتوس أب تاع كنيسة زاد فـ سميرن من جيهة 130.
- كوينتوس تاع سميرن كاتب يوناني فـ القرن 3 و 4.
- كلود تشارلز دي بيسونيل (1727-1790) القنصل العام لـ [[|Wp/arq/ فرانسا|لفرانسا]] فـ القرن 18.
- أليكسندر ڨابرييال دي كامپيس رسام [[|Wp/arq/ فرانسا|فرانسا]]وي رومنسي. الأب اللّي أسس الإستشراق (1803-1860).
- كريسوستوم تاع سميرن آخر متروپوليتان و شهيد تاع الكنائس الشّرقية (1867-1922).
- عصمت إينونو راجل عسكري و سياسي تركي (1884-1973).
- أرسطو أوناسيس واحد من النّاس المعروفين لي عندهم الباطو (السفينة) اليوناني فـ القرن 20 (15 جونفي 1960- 15 مارس 1975).
- أحمد عدنان سايچون واحد مـ الملحنين تاع ذروك لي في [[|Wp/arq/تركيا|تركيا]] (1907-1991).
- أكرم أكورڨال مؤرخ و عالم آثار تركي (1991-2002).
- هينري لانڨلوا مؤسس السّينيما ال[[|Wp/arq/ فرانسا|فرانس]]اوية (1914-1977).
- [[|جانبالادور|جان بالادور]] مهندس [[|Wp/arq/ فرانسا|فرنس]]ي (1924-2002).
- أتيلا إيلهان شاعرة تركية (1925-2005).
- جوكشن سيباهي أوغلو مصوّر (1926-2011).
- إدوارد بالادور راجل تاع پوليتيك [[|Wp/arq/ فرانسا|فرانسا]]وي زاد في 2 ماي 1929.
- أندري تيبوف فيلسوف و راجل تاع كريتيك [[|Wp/arq/ فرانسا|فرانسا]]وي زاد في 1930.
- ماڨلي نويل ممثلة و مغنية [[|Wp/arq/ فرانسا|فرانسا]]وية (27 جوان 1932- 23 جوان 2015).
- ميتين أوكتاي چووّار تاع بالو (1936- 1991).
- عيشة شان[28] مغنية تركية أصلها كردية ماتت في إزمير (1938-1996).
- سوزان آكسو مغنية تركية زادت فـ 13 جويلية 1954.
- سميح كاپلانوغلو مدير فـ 1963.
- سميح شان تورك جووّار تاع بالو فـ 1983.
المراجع
modifier- [1] ليزانفورماسيون على لاڥيل.
- [2] ليستوار تاع إزمير.
- [3] البحر تاع إيجة.
- [4] آنا پارزيميس، أنثروبوني جزائري: ألقاب حديثة ذات أصل تركي.
- [5] الملك الحقاني تاع ليديا لي هي إقليم في آسيا الصغيرة.
- [6] المملكة الليدية
- [7] قارة تاع آسيا لي تشرق منها الشّمس مع صباح كل يوم.
- [8] الكنيسات السبعة لي هوما : أفسس، سميرن، بارڨامس، ثيراطيرا، ساردينيا، فبلادافبا، لاودكيا
- [9]وصفة ضد الزنادقة 32.
- ماسيح دجال.
- [10] الحرب العالمية اللّولة لي ناضت فالعالم كامل.
- [11] مصطفى كمال يخترع تركيا تاع ذروك، پول دومون، ص 31.
- [12] الوقت الجديد تاع نيويورك.
- [13] ريني دونجي، الارشيتاركت المعماري ديكو.
- [14] ڥيليلك التركية.
- [15] جاميعة إيجة التركية.
- [16] جاميعة الاقتصاد تاع إزمير.
- [17] احمد عدنان سايجون أكبر ملحن في تركيا.
- [18] سيتي پوپيلاسيون.
- [19] ازمير پوپيلاصيون و السيتي.
- [20] كليما تاع البحر الابيض المتوسط لي تتاثر بيها إزمير.
- [21] لاليست تاع لي پور لي جايين ف البحر الابيض المتوسط.
- [22] ميطرو تاع إزمير لي راه يلعب دور مهم و كبير.
- [23] المطار الدولي تاع عدنان موندريس التركي.
- باكو الأذربيجانية.
- [24] أبرشية ازميرية.
- [25] أومار الشاعر اليوناني.
- [26] غنية تاعها يسموها سالان سالان.